Վրթանեսն անգամ արցախցիների զանգերին չի պատասխանում, որոնք նրա պահվածքի հետ կապված պարզաբանում են պահանջում
Երևանում Արցախի թեմի առաջնորդարանի մոտ հավաքվածները պահանջում են թեմի առաջնորդից ներողություն խնդրել Նիկոլ Փաշինյանի հետ հանդիպելու համար։
«Արցախի թեմի առաջնորդը բարոյական իրավունք չունի հանդիպելու այն մարդուն, ով պատասխանատու է Արցախի հանձման գործում։ Վրթանես Սրբազանի դեմ հնարավոր է կոմպրոմատներ կան, թե ինչպիսիք, ես չգիտեմ։ Գուցե շանտաժ են արել, պարզաբանում պետք է ներկայացնի, թե ինչ է եղել»,– լրագրողների հետ զրույցում ասաց փաստաբան Ռոման Երիցյանը։
Փաստաբան Ռուբեն Մելիքյանն էլ հայտարարեց, որ իրենք ընդամենը հանդիպում են պահանջում Վրթանես սրբազանից, որպեսզի բացատրություն ստանան։
