Կենտրոնական ընտրական հանձնաժողովի նախնական տվյալներով՝ Թբիլիսիի քաղաքապետի ընտրություններում առաջատար է «Վրացական երազանք»-ի թեկնածու Կախա Կալաձեն՝ 71,588 տոկոսով։

Նրա հիմնական մրցակիցը՝ ընդդիմության համատեղ թեկնածու Իրակլի Կուպրաձեն, հավաքել է 12.4% ձայն, հաղորդում է «Ռիա Նովոստի»-ն։

***

Քաղաքական վերլուծաբան Հակոբ Բադալյանն իր թելեգրամյան ալիքում գրել է. «Վրաստանում «նավակը ճոճելու» հերթական փորձն է, որի առիթը ՏԻՄ ընտրությունն է: Փորձերն իհարկե չեն դադարելու: Վրաստանը հիմնարար նշանակության կետ է Կովկասում եւ Սևծովյան ավազանում: Եվրաատլանտյան ուլտրագլոբալիզմը այդ կետը հեշտությամբ չի հանձնելու, չի հրաժարվելու այդ կետից:

Թրամպը առայժմ գոնե հրապարակավ «անհաղորդ» է, չնայած «Վրացական երազանքը» տևական ժամանակ փորձում է իր վրա հրավիրել նրա ուշադրությունը:

Միևնույն ժամանակ, դիցուք, «Թրամպի ուղղին», ըստ էության, իր ռազմավարական-ռազմաքաղաքական նշանակության իմաստով չի կարող լինել կենսունակ նախագիծ, եթե «չընկնի» Վրաստանը: Հետևաբար, նրանք, ովքեր Թրամփի սեղանին են դրել այդ «ուղին», նրա սեղանից էլ «հեռացնում» են, թերևս, Վրաստանի թեման:

«Թրամպի ուղի» անունն է միայն, իրականում այն նախորդ՝ դեմոկրատական վարչակազմի նախագիծն է, որը հմտորեն «իրագործվել» է՝ Թրամպի «սիրամարգությունը» հաշվի առնելով»։

Թբիլիսիում ցուցարարները ներխուժել են նախագահական նստավայրի տարածք՝ ճեղքելով երկաթե արգելապատնեշները։ Այս մասին հայտնում է «Սպուտնիկ Գրուզիան»՝ թելեգրամյան ալիքում։

Ցուցարարները դեմ են «Վրացական երազանք» կուսակցության՝ ԵՄ ինտեգրումը կասեցնելու որոշմանը։ Շատերը ցույցի են դուրս եկել ԱՄՆ–ի և Եվրամիության դրոշներով։

Նախագահական պալատի մերձակայքում սկսվել են բախումներ ցուցարարների և ոստիկանության միջև։

Հատուկջոկատայինները ցուցարարների դեմ ջրցան մեքենա են կիրառել։

Թբիլիսիում շարունակվում է զանգվածային բողոքի ակցիան, որի ընթացքում ցուցարարները ամբողջությամբ փակել են քաղաքի գլխավոր՝ Ռուսթավելի պողոտան և Ազատության հրապարակը։ «Sputnik-georgia-ի» հաղորդմամբ,

Այս շարժումն ակցիայի կազմակերպիչները բնորոշում են որպես «իշխանության խաղաղ տապալում» և «դրոշների խաղաղ հեղափոխություն»։ Ցույցը մեկնարկել է ուսանողական երթով, որին միացել են հազարավոր քաղաքացիներ։

Կազմակերպիչների խոսքով՝ հիմնական հանրահավաքը և ելույթները նախատեսվում են երեկոյան ժամերին։ Ցույցի մասնակիցներին նաև ներկայացվելու է հռչակագիր, որով կհայտարարվեն հետագա գործողությունների մասին։

Վրաստանի Ներքին գործերի նախարարությունը հորդորել է ակցիայի մասնակիցներին պահպանել օրենքը և ենթարկվել ոստիկանության օրինական պահանջներին։ Նախարարության տարածած հայտարարությունում նշվում է, որ օրենքի խախտման յուրաքանչյուր դեպք կհանգեցնի իրավական համապատասխան արձագանքի՝ ոստիկանության կողմից։

Բողոքի ակցիային կմիանան նաև Վրաստանի տարբեր մարզերից ժամանած ցուցարարներ։