ԴՕԿ կուսակցության լրատվականը գրում է․ «Արդեն ութ ամիս է, ինչ Վարդան Ղուկասյանը չի հայտնվել ուղիղ եթերում։ Ութ ամիս, որոնց ընթացքում մեր երկրում տեղի ունեցան անհավանական, երբեմն ցավալի և անսպասելի իրադարձություններ։ Բայց մի բան հստակ է․ եթե Վարդան Ղուկասյանը լիներ ազատության մեջ, նման իրավիճակ չէր առաջանա։ Նրա ներկայությունը միշտ եղել է կայունացնող, զսպող և հավասարակշռություն ստեղծող ուժ։
Այս ութ ամիսը ապացուցեցին մեկ բան՝ Վարդան Ղուկասյանը ոչ միայն քաղաքական գործիչ է, այլև միակ իրական զսպող ուժը, ով կարողանում էր կանխել վտանգավոր զարգացումները, միավորել տարբեր կողմերին և պահել հասարակական խաղաղությունը։ Նրա բացակայությունը բաց թողեց այն վակուումը, որը ոչ ոք չկարողացավ լրացնել։
Այո, այսօր մենք հստակ ասում ենք՝ Վարդան Ղուկասյանը եղել է և մնում է անփոխարինելի զսպող ուժը։ Նրա վերադարձը ոչ միայն արդարության վերականգնում է, այլև անհրաժեշտություն՝ երկրի կայունության և հասարակական վստահության վերականգնման համար»։
