Հայոց ցեղասպանության անմեղ զոհերի հիշատակին հարգանքի տուրք մատուցելու համար Թուրքիայից Հայաստան ժամանած Իզմիրի բժշկական համալսարանի պրոֆեսոր, ազգությամբ թուրք Թերզին այսօր՝ մամուլի ասուլիսի ժամանակ հայտնեց, որ Երևանի տաքսիներից մեկում մոռացել է իր համակարգիչը, որում ցեղասպանության վերաբերյալ պատրաստած ելույթն է և խնդրեց՝ օգնել, որպեսզի գտնի այն:
Նշենք, որ թուրք պրոֆեսորն այսօր ներողություն է խնդրել իր նախնիների կատարած հանցանքի համար:
«Պահանջում ենք, որ Թուրքիան ճանաչի Հայոց ցեղասպանությունը և պահանջում ենք, որ պատասխանատվությունը լինի իրավական և քաղաքական տեսանկյունից: Ցեղասպանության զոհերին մենք արդարություն ենք պարտք: Թուրք ժողովրդի 100-ամյա լռությունն անընդունելի է: Սա ցեղասպանության տրամաբանության շարունակությունն է: Մենք՝ որպես միություն, ընդունում ենք մեր քաղաքական պատասխանատվությունը: Պահանջում ենք սուգ պահել՝ ի հիշատակ ցեղասպանության զոհերի.կառուցել հուշարձաններ, կազմակերպել միջոցառումներ»,-ասել է նա:
Անի Կարապետյան
