Տարիներ առաջ ոչ ոք չէր մտածի, որ այս երեխաները հռչակավոր աստղերի են վերածվելու

2015-10-30 19:21:22

Ձեզ ենք ներկայացնում հոլիվուդյան և ռուսաստանյան շոու բիզնեսի մի շարք աստղերի մանկական լուսանկարները։ Նայելով այդ նկարներին՝ հասկանում ես, որ տարիներ առաջ ոչ ոքի մտքով չէր անցել, որ մեծանալով՝ այս երեխաները դառնալու են մի քանի սերունդների կուռքեր։

1․ Անդրեյ Մալախով, հեռուստահաղորդավար

Դպրոցական տարիներին ռուսական հեռուստատեսության ամենավառ աստղերից մեկը կարուձևի խմբակ էր հաճախում ու ջութակ էր նվագում։

Անդրեյ Մալախովը երաժշտական դպրոցում (ձախից երկրորդը)

Նա նաև ինտենսիվորեն անգլերենով էր զբաղվում։ Իր իսկ հիշողությունների համաձայն՝ Մալախովն առաջին անգամ սկսեց հեռուստահաղորդավարի կարիերայի մասին մտածել հենց երաժշտական դպրոցում։

2․ Անջելինա Ջոլի, դերասանուհի

Միլիոնավոր տղամարդկանց կենդանի երազանք այս դերասանուհին այդքան էլ պոպուլյար չէր հասակակիցների շրջանում դպրոցական տարիներին և նույնիսկ ներառված էր հոգեթերապևտի աջակցություն զգացող աշակերտների հատուկ խմբակում։

Սակայն ի հեճուկս դպրոցական իր համբավի՝ Անջելինան մեծացավ և անճոռնի ճուտիկից իսկական գեղեցկուհու վերածվեց։

Ձախ նկարում Անջելինա Ջոլին մասնակցում է իր ավարտական երեկոյին։

3․ Սերգեյ Բեզրուկով, դերասան

Դերասանական արվեստի նկատմամբ հակումներ Սերգեյ Բեզրուկովը դրսևորել է դեռ վաղ մանկությունից։ Իր առաջին դերը նա խաղացել է դպրոցական բեմում, որտեղ հանդես է եկել պոետ Եսենինի կերպարում։ Ի դեպ, հենց այս գրողի պատվին են Բեզրուկովի ծնողները նրան Սերգեյ անվանել։

4․ Ջորջ Քլունի, դերասան

Սրտակեր Ջորջ Քլունին դպրոցական հասակում առանձնակի պոպուլյարություն չէր վայելում։

Նրա գործերն այս առումով ավելի վատացան 13 տարեկանում, երբ նա բախվեց Բելլի կաթվածին, որի արդյունքում նրա դեմքը մասնակիորեն պարալիզացվեց։ Հասակակիցները սկսեցին նրան ծաղրել ու նույնիսկ տվեցին Ֆրանկենշտեյն մականունը։

«Դրանք իմ կյանքի ամենավատ օրերն էին։ Ինքներդ գիտեք, թե ինչ դաժան կարող են լինել երեխաները։ Բոլորը ծաղրուծանակի էին ենթարկում ինձ, բայց այդ փորձություններն էլ ավելի ուժեղ դարձրեցին ինձ»,– կիսվել է դերասանը «The Mirror»–ին տված հարցազրույցում։

Ի դեպ, դպրոցական տարիքում Քլունին երազում էր ոչ թե դերասանական, այլ բեյսբոլիստի կարիերայի մասին, բայց հետագայում հրաժարվել է այդ գաղափարից։ Բարեբախտաբար :)

5. Ֆիլիպ Կիրկորով, երգիչ

Ռուսական էստրադայի աստղերից ամենից քիչն իր մանկության մասին հիշել սիրում է Ֆիլիպ Կիրկորովը։

«Դպրոցում ես ինձ օտարածին մարմին էի զգում հասակակիցներիս շարքում, քանի որ ինձ օտար էին նրանց խնդիրներն ու հետաքրքրությունները։ Դա ըստ երևույթին նրանից էր, որ ես շատ էի շփվում ծնողներիս ու նրանց ընկեր-կոլեգաների հետ»,–խոստովանել է նա իր հարցազրույցներից մեկում։

Բայցևայնպես, իր հասակակիցներով շրջապատված ռուսական էստրադայի փոփ արքան այդքան էլ ընկճված ու դժբախտ տեսք չունի կարծես թե։

Կիրկորովը ձախից երկրորդն է։

6․ Քիմ Քարդաշյան, ռիալիթի շոուների աստղ

Հարուստ հոլիվուդյան փաստաբանի դուստր լինելով՝ Քիմը դեռ մանկուց շատ բարետես երեխա էր՝ մեծ աչքերով ու գեղեցիկ դիմագծերով, և նրա ծնողները նրան ոչնչում չէին մերժում։

Ի դեպ, հենց ծնողներն են ժամանակին երիտասարդ Քիմին դրդել էպատաժային կենսակերպ վարելուն ու հավանության են արժանացրել «Քարդաշյանների ընտանիքը» ռիալիթի շոուի ստեղծման գաղափարը։ Ու պետք է նշել, որ Քիմը բնավ էլ չի ափսոսում դրա համար։

7․ Քսենյա Սոբչակ, հեռուստահաղորդավար

Երաժշտական դպրոց, բալետ, անգլերենի խորացված ուսուցում... Ծնողներն ուզում էին, որ աղջիկը գնա հոր ճանապարհով ու ընտրի իրավաբանի մասնագիտությունը, բայց արդեն դպրոցական տարիքում Քսենյան մերժեց այդ առաջարկությունը՝ հայտարարելով, որ միևնույն է՝ չի կարող այդ ոլորտում հասնել ավելիին, քան իր հայրը։

Քսենյա Սոբչակը՝ ծնողների հետ

Միջին դասարաններում ապագա հեռուստաաստղը երազում էր դառնալ բալետի պարուհի, բայց հետագայում գերադասեց սովորել МГИМО-ում։

8․ Լեոնարդո Դի Կապրիո, դերասան

Իր իսկ խոստովանությամբ՝ Դի Կապրիոյի ճակատագիրը կանխորոշված էր դեռ մանկուց։

«Ես մեծացել եմ Հոլիվուդի ետնաբակերում ու մտածում էի, որ կխելագարվեմ, մինչև մեծանամ... մինչև 13 տարեկան ես կարծում էր, որ դերասան լինելը մասոնության պես մի բան է, որը պետք է լինի արյանդ մեջ ու փոխանցվի գեներով»։