ԿԳ նախարար Արմեն Աշոտյանը, Սյունիքի մարզպետարանի հետ քննարկելով Կապանի թիվ 6 դպրոցի փոխտնօրեն Զարզանդ Նիկողոսյանի նշանակման հարցը, ֆեյսբուքյան իր էջում տեղեկացրել է, որ որոշվել է չեղյալ հայտարարել վերջինիս նշանակումը և շնորհակալություն է հայտնել լրատվական միջոցներին՝ օպերատիվ աշխատանքի համար։:
Հիշեցնենք, որ Կապանի թիվ 6 դպրոցի տնօրեն Մարինե Դավթյանն առաջինն Asekose.am-ի հետ զրույցում էր հաստատել աղմկահարույց մի քանի պատմությունների մասնակից, Սյունիքի մարզպետի թիկնապահ Զարզանդ Նիկողոսյանի՝ դպրոցի փոխտնօրեն նշանակման լուրը:
Ավելի ուշ Asekose.am-ի՝ «Լիսկայի ոչ անհայտ Զարզանդը նշանակվել է Կապանի թիվ 6 դպրոցի փոխտնօրեն» հրապարակմանը ֆեյսբուքյան իր էջում արձագանքել էր ԿԳ նախարար Արմեն Աշոտյանը՝ հայտնելով, որ տվյալ խնդիրը կուսումնասիրվի և լուծում կտրվի:
