azatutyun.am-ը գրում է.Երեկոյան ժամը 20.00-ին Հանրապետության հրապարակում System of a Down-ի (SOAD) համերգին սպասող երկրպագուները դեռ լուսաբացից հավաքվել էին Վազգեն Սարգսյան փողոցում: Ցեղասպանության 100-րդ տարելիցին նվիրված ռոք համերգին սպասող երկրպագուները` հենց փողոցում պառկած կամ կքանստած, երգում էին աշխարհահռչակ ռոք խմբի հայտնի հիթերը:
Այս պահին Հանրապետության հրապարակում բեմի նախապատրաստական վերջին աշխատանքներն են: Սա System of a Down-ի առաջին համերգն է Հայաստանում: Հրապարակից շուրջ 600 մետր հեռավորության վրա խմբված՝ նաև արտերկրից ժամանած երկրպագուները անհամբեր սպասում են, թե երբ պետք է մուտքը բացվի, որպեսզի կարողանան արագորեն տեղեր զբաղեցնել:

Մանրամասները՝ սկզբնաղբյուր կայքում և տեսանյութում