168.am-ը գրում է, որ Վրաստանի նախկին նախագահ, ներկայում Օդեսայի մարզի նահանգապետ Միխայիլ Սաակաշվիլին կարծում է, որ Օդեսայի «օրենքով գողերն» իրեն ֆիզիկապես չեն ոչնչացրել վախկոտության պատճառով: Այս մասին նա պատմել է «Նովայա գազետային» տված հարցազրույցում:
«Նրանք («օրենքով գողերը») արդեն այստեղից (Օդեսայի մարզ) տեղափոխում են իրենց բիզնեսները: Հավաք է եղել Պրահայում, կայացվել է որոշում: Ինչո՞ւ չեն սպանում… Դե, նրանք վախկոտներ են: Պրոֆեսիոնալ հանցագործները ընդհանրապես հիմնականում վախկոտներ են ու նրանց համակարգում նույնպիսի կոռուպցիա է»,- հայտարարել է Սաակաշվիլին:
«Գիտե՞ք, ինձ մի վրացի խոշոր հիերարխ ասում էր, թե ինչպես եմ ես հեռացրել «օրենքով գողերին»: Չէ՞ որ նրանք այնքան էին օգնում, այդքան նվիրատվություններ էին անում եկեղեցուն: Օդեսայում մի հոգևորական միջնորդել էր նավահանգստային մի պաշտոնյայի համար: Ես վաղուց աչքիս տակ առել էի այդ պաշտոնյային ու անմիջապես նրան ազատեցի»,- հավելել է Սահակաշվիլին:
Նյութը` սկզբնաղբյուր կայքում
