Հասարակական գործիչ, ռեժիսոր Հովհաննես Իշխանյանի ֆեյսբուքյան գրառումը. «Հրավիրում եմ լրատվամիջոցների
ՀՀ ներքին գործերի նախարարության
ՀՀ գլխավոր դատախազություն
ՀՀ Քննչական կոմիտեի
ՀՀ Ազգային անվտանգության ծառայություն
ուշադրությունը:
Քաղաքացի Ռուբեն Ռուբինյանը, որը նաև Ազգային ժողովի նախագահի տեղակալ է, դավաճանության մասին տեղեկություն ունի։
Նա ինչ-որ քաղաքացու մասին հրապարակային հայտարարել է, որ ինքը և նրա ընտանիքի որոշ անդամներ դավաճան են։
ՀՀ քրեական օրենսգրքի 418-րդ հոդվածով դավաճանությունը պատժելի արարք է։
Քաղաքացի Ռուբինյանից անհրաժեշտ է պարզել,
1․ Ում մասին է այդ տեղեկությունը
2․ Ինչու է այսքան ժամանակ թաքցրել հանցագործության մասին տեղեկությունը:
Իսկ եթե տեղեկությունը չի համապատասխանում իրականությանը, ապա նրա դեմ, քրեական օրենսգրքի 476-րդ հոդվածի համաձայն, հարուցել սուտ մատնության մասին քրեական գործ։
Քանի որ քաղաքացին բարձրաստիճան պաշտոնյա է, այսպիսի տեղեկությունն ունենալուց հետո նա պետք է անմիջապես համագործակցած լիներ իրավապահների հետ, այս տիպի վարքը ցույց է տալիս, թե պետության հանդեպ ինչպիսի անտարբերություն է տիրում, որ դավաճանության մասին տեղեկություն ունենալով՝ զբաղված են եկեղեցու դեմ արշավով»: