Փաստաբան Մարինա Պողոսյանը ֆեյսբուքյան իր էջում լուսանկար է տեղադրել ու գրել է․ «Սա սեփական ժողովրդի առողջության դեմ ուղղված հանցագործություն է»։
Ավելի վաղ, նա ֆեյսբուքյան իր էջում հետևյալ գրառումն էր կատարել․ «Ուշադրություն՝ Փաստացի օդից բացի՝ նաև թունավորում են սնունդով՝ անհապաղ ստուգումներ անցկացնելYeremyan Products և Evrika Supermarkets ցանցերում․ երեկ ես էլ գնել եմ Yeremyan products -ի արտադրած, ժամկետի մեջ քամած մածուն և մածուն:՝Քամած մածունն անհասկանալի հոտ ու համ ուներ, կաթնամթերքին ոչ բնորոշ, իսկ մածունը սպիտակ ջուր էր։ Կաթնամթերքն առաքվել է Էվրիկա սուպերմարկետից։ Ժամկետները պահպանված էին և քանի որ առաքում էր, ես չեմ ընտրել այլապես գոնե , որ մածնի տարաի մեջ սպիտակավուն հեղուկ զանգված էր կնկատեի։ Սա հանցանք է սեփական ժողովրդի նկատմամբ թե արտադրողի թե խանութի կողմից, քանզի ապրանքը ստանալիս ակնհայտ կլիներ գոնե , որ մածնի փոխարեն տեսանելի հեղուկ է։ Սպասում եմ անհապաղ արձագանքի՝ հետո չնեղվեք ինձնից»։
Նշենք, որ նման մեկ այլ ահազանգ ֆեյսբուքյան խմբերից մեկում կատարել էր քաղաքացի Արթուր Ոսկանյանն, տեղադրելով նույն ֆիրմայի արտադրության սերուցքային պանրի լուսանկար, ու նշել էր․ «Միշտ օգտվում եմ նույն պրոդուկտից, մի անգամ նկատեցի նույն ձև, անտեսեցի, բայց սա 2-րդ անգամն է ու կարծում եմ պիտի իմանաք: Սառնարանից եմ հանել ու բացել: Ջրիկ է մասսան, հոտը ավելի շուտ թթվասերի»։
Հավելենք նաև, որ մեկ այլ քաղաքացի՝ մեկնաբանություններում գրել է՝«Ես հենց նոր կարագ հալեցրեցի ու պարզ էր, որ այն կարագ չէր, այլ չգիտեմ ինչ, ասեմ՝ որ լավ թանկ գնել էի..․» ու տեղադրել է տեսանյութ։
Լուսանկարում՝ Դավիթ Երեմյանն է
Կարդացեք նաև՝ Պալատական օլիգարխ Երեմյանների բիզնեսները ծաղկում են տարատեսակ արտոնությունների տեղատարափի ներքո
