Պուտինը Հայաստանի փոխարեն Ադրբեջան էր ասում, հետո ուղղեց ինքն իրեն
Դա նրանց ընտրությունն է, եթե նրանք հնարավոր են համարում այդպես աշխատել, լավ, մենք կապի մեջ ենք նրանց հետ. Պուտինը՝ ՀԱՊԿ-ի վերաբերյալ Երևանի դիրքորոշման մասին
«Մենք գիտենք Հայաստանի դիրքորոշումը ՀԱՊԿ-ի վերաբերյալ. նրանք իրենց համարում են կազմակերպության անդամ, բայց այս փուլում նրանք ձեռնպահ են մնում դրա նիստերին մասնակցելուց։ Ասոցիացիայի երկրները հարգում են սա»,–ասել է ՌԴ նախագահը։
***
ՀԱՊԿ-ը ոչ մեկի համար սպառնալիք չէ, բայց պետք է պատրաստ լինի հետ մղել ցանկացած ագրեսիա, Բիշքեկում կայացած մամուլի ասուլիսում ասել է Պուտինը։
Ռուսաստանը պատրաստ է զենք և սարքավորումներ տրամադրել ՀԱՊԿ անդամ երկրներին։ ՌԴ նախագահը նաև «հեղափոխություն» է անվանել Ռուսաստանի պաշտպանական արդյունաբերության առաջընթացը ԱԹՍ–ների ոլորտում։ Հատուկ ռազմական գործողության համատեքստում Ռուսաստանը նախևառաջ պետք է բավարարի իր սեփական պաշտպանական կարիքները։
ՀԱՊԿ երկրները կշարունակեն անցկացնել համատեղ վարժանքներ, այդ թվում՝ հատուկ ծառայությունների մասնակցությամբ։ ՀԱՊԿ-ի աշխատանքը կայունության տարր է ապահովում այսօրվա անկայուն միջավայրում։
Ռուսաստանը միակն է, որը գիտի, թե ինչպես կառուցել փոքր ատոմակայաններ։ Շատերն ասում են, որ պատրաստ են դա անել, բայց մենք միակն ենք, որ գիտենք` ինչպես անել։
