Փաշինյանը շնորհակալություն հայտնեց ԱՊՀ ղեկավարներին Ադրբեջանի հետ խաղաղություն հաստատելու գործում ցուցաբերած օգնության համար
«...Դուք բոլորդ իսկապես ցանկանում էիք, որ սա տեղի ունենար, և այդպես էլ եղավ։ Խաղաղությունն այժմ իրականություն է, և ես շնորհավորում եմ մեզ բոլորիս այս առիթով և երախտագիտություն եմ հայտնում իմ ԱՊՀ գործընկերներին այս ընթացքում ցուցաբերած աջակցության համար», - ասաց նա Դուշանբեում կայացած ԱՊՀ գագաթնաժողովում։
ՀՀ վարչապետը հույս ունի մոտ ապագայում խաղաղության պայմանագիր կնքել Ադրբեջանի հետ, որից հետո անհրաժեշտ կլինի հաստատել տնտեսական, քաղաքական և մշակութային կապեր, ինչպես նաև լուծել մարդասիրական հարցեր։ Վարչապետը կարծում է, որ սա դժվար, բայց հասանելի խնդիր է։
***
Տարիներ շարունակ տևած կոնֆլիկտից հետո Հայաստանի և Ադրբեջանի միջև խաղաղություն է հաստատվել, որի համար հիմնարար փաստաթուղթ է հանդիսացել Ալմա Աթայի հռչակագիրը. ՀՀ վարչապետ Նիկոլ Փաշինյանը` Դուշանբեում ԱՊՀ պետությունների ղեկավարների խորհրդի նիստի ժամանակ։
Նա անդրադարձավ Վաշինգտոնում օգոստոսի 8–ին ստորագրված փաստաթղթերին, ընդգծեց` Հայաստանի և Ադրբեջանի ղեկավարները նշել են, որ տարածաշրջանում կայունությանը և բարգավաճմանը նպաստելու համար երկու երկրների միջև կբացվեն տրանսպորտային հաղորդակցությունները ներպետական, երկկողմ և միջազգային փոխադրումների համար՝ հիմնված պետության ինքնիշխանության, տարածքային ամբողջականության հիման վրա։
«Այդ ջանքերը պետք է ներառեն Ադրբեջանի և Նախիջևանի միջև անարգել տրանսպորտային հաղորդակցությունը Հայաստանի տարածքով՝ ՀՀ– համար միջազգային և ներպետական փոխադրումների համար փոխադարձ առավելություններով»,– հայտարարեց ՀՀ վարչապետը։
