Ոսկեպարի եկեղեցու գմբեթից հանել են խաչը․ Տեսանյութն՝ Asekose.am-ի տելեգրամյան ալիքում
Այս մասին մեզ ահազանգում են քաղաքացիները՝ հայտնելով իրենց մտահոգությունը առ այն, որ հնարավոր է այլևս չտեղադրվի։
ԱրմԼուր-ը գրում է, որ մանրամասներ իմանալու համար դիմել է Ոսկեպար համայնքի ղեկավար Իշխան Աղբալյանին։ Վերջինս տեղեկացրել է, որ Կրթության, գիտության, սպորտի և մշակույթի նախարարության նախաձեռնությունն է։
«Մեզ ասել են տանում են մաքրեն, բերեն նորից տեղադրեն։ Եկեղեցու գմբեթն են վերանորոգում։ Հանձնարարությունը Կառավարությունից է եկել։ԿԳՄՍ նախարարությունն է վերանորոգման աշխատանքներն իրականացնում»,- ասել է համայնքապետ Իշխան Աղբալյանը։ ԿԳՄՍ նախարարության մամուլի քարտուղար Նելլի Վանյանն էլ հայտնել է, որ վերանորոգման աշխատանքներով է պայմանավորված խաչի հանելը։ «Հանել են, վերանորոգումն իրականացնեն ու նորից տեղադրեն»,-ասել է Նելլի Վանյանը։
Հիշեցնենք, որ 2017 թվականին Բագրատ Սրբազանը օծել էր Ոսկեպար գյուղի սուրբ Աստվածածին եկեղեցու զանգը, դռներն ու սուրբ սեղանը, որպեսզի «Աստծո օրհնությամբ, մեր ժողովուրդը ևս 7 և 70 դար շարունակի այս եկեղեցում աղոթել»:
Դիտեք նաև՝
