ՀԾԿՀ 3 անդամներ հոկտեմբերին այցելել են Թուրքիա․ Մեսրոպ Մեսրոպյանը հաստատեց և բացատրեց՝ ինչու 

«ՀՀ-ն 1999թ․-ից «Էներգետիկ կարգավորողների տարածաշրջանային ասոցիացիայի» հիմնադիր անդամ է։  Տարեկան 2 անգամ անդամ երկրներից որևէ մեկում աշխատաժողովներ են հրավիրվում, և 47 երկրների պատվիրակները քննարկում են էներգետիկային վերաբերող բազմաթիվ հարցեր։ Ներկայում օրակարգային են վերականգնվող, արևային էներգետիկայի, շուկայի ազատականացման խնդիրները։  Թուրքիան ևս ասոցիացիայի անդամ է, և վերջերս կատարած այցի ժամանակ հենց այդ թեմաներն են քննարկվել»,-ասաց ՀԿԾՀ նախագահը։ 

Պաշտոնապես հերքեց սոցցանցերում շրջանառվող ասեկոսեները, թե այցի նպատակն է եղել բանակցել թուրքական կողմի հետ ՀԷՑ-ի գնման համար։

***

Տեսականորեն ամեն ինչ հնարավոր է. ՀԾԿՀ նախագահը խուսափում է էլետրաէներգիայի սակագնի փոփոխության մասին կանխատեսում անել

«Լավատեսություն ունեմ և ամեն ինչ անելու եմ, որ տեսանելի ապագայում սակագները չբարձրանան, որովհետև մի կարևոր խոչընդոտող կա գործոն գալիք տարվա համար։ Գալիք տարի հայկական ատոմակայանը պլանավորում ենք 3 և ավելի ամիս վերանորոգման մեջ պահել, այսինքն՝ 5 ամիս կանգնած է լինելու՝ սովորական 2 ամսվա փոխարեն։ Ինքներդ եք հասկանում, որ ատոմակայանի պես էժան էլեկտրաէներգիայի աղբյուր հանդիսացող ռեսուրսը երբ չի աշխատում, ինքնաբերաբար բացասական ազդեցություն է ունենալու ընդհանուր սակագնի վրա։ Բայց քանի որ ունենք այլ կետերով արդեն ձևավորված օգուտներ և ֆինանսական բարձիկներ, կփորձենք դրանով մեղմել այդ հանգամանքը և վերջնարդյունքի մասին կտեղեկացնենք»,–ասաց Մեսրոպ Մեսրոպյանը։

***