«Դուք վախկոտ ղեկավարի եք պաշտպանում, որը թշնամու դիմաց ձեզ երբեք չի պաշտպանելու։ Դուք իրեն ազնվորեն պաշտպանում եք, բայց նա ձեզ չի պաշտպանելու, ձեզ մատնելու է ու փախչի։ Դուք եք մնալու ամոթով ու ասելու եք՝ դե ախպեր ի՞նչ անեինք»,-կառավարության շենքի դիմաց կանգնած ոստիկաններին դիմեց Բագրատ Սրբազանը։

***

«Տեղեկություն ունեմ, որ ետնամասից փախչելու է։ Հիմա ոստիկանական շարքերն այն կողմի վրա խտացրել են, որ մարդն առոք-փառոք փախչի։ Փախչելու է և այսպս է իր կյանքը լինելու Հայաստանում, նա պետք է իման, որ փախուստի մեջ է ապրելու»,-կառավարության շենքի դիմաց հայտարարեց Բագրատ Սրբազանը՝ նկատի ունենալով Նիկոլ Փաշինյանին, ում գլխավորությամբ այս պահին ընթանում է կառավարության հերթական նիստը։

***

Կառավարույան շենքի դիմաց շարունակվում է «Սրբազան» պայքարի բողոքի ակցիան։ Բագրատ Սրբազանը անդրադառնալով կարմիրբերետավորների գործողություններին՝ ասաց․ «Բովանդակություն, էություն, ինքնություն, խորհրդանիշ, պատիվ, ոչինչ չեն թողել, միայն փողոց են թողել, և այդ փողոցն էլ արտահայտվում է ոստիկանական որոշ խուլիգանական խմբերով։ 30 հոգով մեկ մարդու են ծեծում։ Ձեր կանայք ու երեխաները պետք է ամաչեն ձեր փոխարեն, այ խուլիգաններ, ես ուղղակի ասում եմ էդ 30-40 գունզգույն բերետներով խուլիգաններին, փողոցայիններին, որոնք պարզապես փող են ստանում, էդ փողն էլ չգիտեմ՝ ոնց են վայելում»։

***

«Մեր բովանդակությունը լրիվ փոխվել է Արարատ չկա, հող հանձնող գնդապետին գեներալի կոչում են տալիս, սա է Հայաստանը»,-Կառվարության շենքի դիմաց հավաքված բողոքի ակցիայի մասնակիցներին ասաց Բագրատ Սրբազան։

***

«Տղերքը չեն ուզում իրենց այսպես պահեն։ Երեկոյան հավաքների ժամանակ իրենց ասում են կամերաների առջև պետքա բոքսով խփեք մարդկանց գլխին, որ մյուսները վախենան»,-ասաց Բագրատ Սրբազանը՝ մատնանշելով կարմիրբերետավորներին։

Դիտեք նաև՝

Բագրատ Սրբազանը և նրա աջակիցները շարունակում են փակ պահել Կառավարության շենքի բոլոր մուտքերը, սպասում են, թե երբ է Փաշինյանը դուրս գալու։ «Դուրս արի, որտե՞ղ ես թաքնվել, թե հրաման ես տալու ծեծեն, ջարդեն ժողովրդին»,-ասաց Բագրատ Սրբազանը՝ խոսքը ուղղելով Նիկոլ Փաշինյանին։ Նա ասաց նաև, որ կմնա շենքի մոտ այնքան, մինչև Նիկոլ Փաշինյանը դուրս գա»