Հնարավո՞ր է՝ Ձեր կողմից հայ Առաքելական եկեղեցու վրա հարձակումները խաղաղության գործընթացի մաս են կազմում, քանի որ Ադրբեջանի հոգևոր առաջնորդի հայտարարություններից հետո հոգևորականներ են կալանավորվում։ Լրագրողի հարցն ուղղված էր վարչապետ Նիկոլ Փաշինյանին։

«Իմ կողմից Հայ առաքելական եկեղեցու վրա հարձակում չկա։ Որևէ տեղ գրած չէ, որ կաթողիկոսի պաշտոնում գտնվող անձը և եկեղեցին նույնական են, որևէ տեղ գրված չէ, որ եպիսկոպոսը և եկեղեցին նույնականան են։ ՀԱԵ պատմության մեջ եղել են մի շարք դեպքեր, երբ կաթողիկոսը պաշտոնանկ է արվել, ի՞նչ է տեղի ունեցել, եկեղեցին փլուզվե՞լ է»,-պատասխանեց Փաշինյանը՝ հավելելով, որ Ադրբեջանի հոգևոր առաջնորդի հայտարարություններին չի հետևում։

Նրա խոսքով լուրերից է իմացել, որ հաղորդում է եղել, որի հիման վրա հոգևորականները ձերբակալվել են․ «Ես բացառում եմ, որ այս գործընթացները որևէ կերպ դուրս լինեն իրավական ընթացակարգերից կամ օրենքի շրջանակներից: Ես ոչ բոլորին հրահանգներ տալու լիազորություն ունեմ և էլ չեմ ասում, որ չեմ կարծում՝ ՀՀ-ում կան պաշտոնյաներ, ովքեր պատրաստ են ապօրինի հրահանգներ իրականացնել»,- ասաց Փաշինյանը:

***

«Լավ առիթ է քաղաքացիներին բարի լույս ասելու և լավ օր մաղթելու»,- լրագրողներին ասաց վարչապետ Նիկոլ Փաշինյանը՝ անդրադառնալով ամեն առավոտ տեսանյութերով սրտիկներ ուղարկելուն։

Լրագրողի դիտարկմանը, թե ժողովուրդը դարդոտված է, ոչ բոլորին է դա վերաբերում՝ Փաշինյանը պատասխանեց․ «Նրանք, ովքեր դարդոտված են, նույնպես կարող են օգտվել օրը պոզիտիվով սկսելու այդ հնարավորությունից։ ՀՀ-ում դարդերով զբաղվող մի ինստիտուտ կա և դա ՀՀ Կառավարությունն է, մնացածը՝ կենացների ժանրից է»։