Նոր Զելանդիայից ակտիվիստը Հայաստան է այցելել՝ համոզվելու համար ավերված տաճարները վերականգնելու անհրաժեշտության մեջ:
Ըստ 3news.co.nz-ի՝ Ջեֆրի Ռաթբունը Քրայսթչերչի անգլիկան Մայր տաճարը վերականգնելու կոչով հանդես եկող ակտիվիստներից է: Եկեղեցին ավերվել է 2011 թվականին, երկրաշարժի հետևանքով:
Նա Գյումրիում սեփական աչքերով տեսել է ավելի քան 27 տարի առաջ ավերված եկեղեցին, որի վերանորոգումն ավարտին է մոտենում:
«Քաղաքի բնակիչները նույնքան կապված են այդ եկեղեցուն, որքան մենք: Եկեղեցին ցանկանում էր վերականգնել այն, չնայած բավականաչափ միջոցներ չուներ: Բայց նրանք լի էին գումար գտնելու եւ շինարարությունը սկսելու վճռականությամբ»,- ասելէ Ռաթբունը:
Նա Հայաստանից եպիսկոպոսի և քաղաքապետի նամակներն է տարել Նոր Զելանդիա, որոնք աջակցություն են հայտնում Մայր տաճարի վերականգնմանը: Ակտիվիստը պատրաստվում է դրանք ներկայացնել Քրայսթչերչի քաղաքապետին և եկեղեցու ներկայացուցիչներին:
