ԲՀԿ առաջնորդ Գագիկ Ծառուկյանը քարոզարշավի շրջանակներում Աջափնյակ վարչական շրջանում բնակիչների հետ հանդիպման ժամանակ նշել է․ «Այսօր Երևանում հիմնական խնդիրն այն է, որ 100 %-ով բարձրացել է գույքահարկը․ Կադաստրային արժեքով էլ չեն բարձրացել, բարձրացել են շուկայական գնով։ Թոշակառուին, որն իր ամբողջ կյանքն աշխատել է, իրեն տուն են նվիրել, տուն է ստացել՝ կլինի արվեստագետ, բժիշկ, գիտնական, ծառայող, ուսուցիչ, թոշակն իրեն ապրելու համար չի բավարարում, ո՞նց կարող է նա գույքահարկ վճարի։ Ասում են՝ չե՞ս կարող վճարել տունդ վաճառի, գնա սահմանամերձ շրջաններում ապրի»։

Ծառուկյանը նաև ընդգծեց, որ փոփոխություններ պետք է արվեն բժշկական համակարգում․ «Գումար չունես՝ հիվանդանոց չես կարող գնալ։ Էսօր փողը չտաս՝ չեն վիրահատում․ անվճար բուժման համակարգ պետք է ներդնենք»։

***

«Ասում է` քարերը գողացել են․ Ծառուկյանը եկեղեցի կառուցող, իր երկրի պատիվը պահող է․․․ Ծառուկյանը միլիարդներ է դրել, Հայաստանի սպորտը աշխարհում հասցրել է բարձունքի վրա․․․ Ծառուկյանը քար գողացո՞ղ ա»,- այս մասին քարոզարշավի շրջանակներում լրագրողների հետ զրույցում նշել է ԲՀԿ առաջնորդ Գագիկ Ծառուկյանը։