«Ես գործով հարցաքննվել եմ մոտ 5 ժամ, հրապարակային քննվել եմ քննիչ հանձնաժողովում: Եվ ավելին՝ քննվել եմ ժողովրդի կողմից. 2021թ.-ի ընտրությունները այդ ամբողջ քննությունն է եղել»,- ճեպազրույցի ժամանակ ասել է վարչապետ Նիկոլ Փաշինյանը՝ պատասխանելով հարցին, թե »արդյոք ձեր հրամանները և գործողությունները չպետք է քննվեն իրավապահների կողմից, չպե՞տք է քրեական գործեր հարուցվեն՝ հասկանալու համար, թե ձեր հրամանների հետևանքով ՀՀ-ն ի՞նչ վնասներ ունեցավ 44-օրյա պատերազմմից հետո»:

Փաշինյանը զամանք հայտնեց, թե պատերազմի հետ կապված մի բան կա, որը որևէ մեկը չգիտի՞: «Իմ գործողությունները քննվել են, կարող են էլի քննվել: Ես երբեք որևէ հրաման չեմ տվել ՀՀ որևէ ինքնիշխան տարաքից ՀՀ որևէ զորքի հետքաշման մասին»,- հավելեց նա:

***

«Այդ թվում երկխոսության բացակայությունն է, որ հայաստանցիները տեսնում են, որ ադրբեջանցի շրջանակների խոսույթում բան չի փոխվում, ադրբեջանցիները տեսնում են, իրենց գնահատմամբ, որ հայաստանցի շրջանակների խոսույթում բան չի փոխվում»,- ճեպազրույցի ժամանակ ասել է վարչապետ Նիկոլ Փաշինյանը՝ անդրադառնալով հարցին, թե «ինչպե՞ս կգնահատեք Ադրբեջանի և Հայաստանի քաղհասարակության ներկայացուցիչների երկխոսության ընթացքը հատկապես այն համատեքստում, որ տեսնում ենք՝ ադրբեջանի պաշտոնյանների, գիտնականների, մեդիայի խոսույթում կարծես թե բան չի փոխվում»:

Փաշինյանն ընդգծել է. «Երկխոսությունը նրա համար է, որ խոսույթում բան փոխվի: Իսկ 37 տարվա կոնֆլիկտը 5 փորձագետի 2 հանդիպման արդյունքում չի կարող փոխվել: Պետք է տեղի ունենա պրոցես, որ փոխվի»:

***

«Մենք պետք է ունենանք ՀԱԵ-ի բարեվարքության ապահովման մեխանիզմներ․ ինչի՞ պետք է պետությունը, կառավարությունն ունենան բազմաթիվ մեխանիզմներ, այդ թվում՝ ֆինանսական թափանցիկություն, գործունեության թափանցիկություն՝ պետական պաշտոնյանների դեպքում, իսկ Հայաստանյաց Առաքելական Սուրբ Եկեղեցու բարձրաստիճան հոգևորականների դեպում չպիտի լինի՞», այս մասին այսօր ճեպազրույցի ժամանակ ասաց վարչապետ Նիկոլ Փաշինյանը:
«Կներեք, մի վարչության պետ ենք նշանակում բարեվարքության ստուգում է անցնում, բա կաթողիկոսի թեկնածուն բարեվարքության ստուգում պիտի չանցնի՞»,- ընդգծեց Փաշինյանը՝ հավելելով՝ ցավոք ՀԱԵ-ում բարեվարքության ինստիտուտը ներդրված չէ։

***

««Մեր ձևով» ուժը հայտնում է, որ որպես կուսակցություն հրահանգված է, որ չգրանցվի «Մեր ձևով»-ը, քանի որ դուք վախենում եք Սամվել Կարապետյանից. արդյոք վախենում եք»,-ճեպազրույցի ժամանակ հարց ուղղվեց վարչապետ Նիկոլ Փաշինյանին, ինչին նա պատասխանեց. «Այդ կարգի հայտարարությունները մեկնաբանելու կարիք չեմ տեսնում: Եթե ինչ-որ մեկը ուզում է իրեն ներշնչել, որ ես ինչ-որ մեկից վախենում եմ, դա իր խնդիրն է: Ես ունեմ շատ մեծ վստահություն 2026 թվականի խորհրդարանական ընտրությունների հետ կապված: Ես համոզված եմ, որ այդ ընտրությունների արդյունքներով ՀՀ ժողովուրդը ջախջախիչ հաղթանակ կտանի»:

***