Ինֆորմացիան և տեսանյութերն այս հղումով թարմացվում են․ Հետևեք նաև Asekose.am-ի տելեգրամյան ալիքին։
***
***
Երթը գլխավորում են Սամվել Կարապետյանի կինն ու զավակները։
Հիշեցնենք, որ ակցիայի մասնակիցները երթով շարժվում են դեպի Հայաստանի ԱԱԾ-ի շենք, որտեղ պահվում են «Տաշիր» խմբի ձերբակալված ղեկավարը և Հայ Առաքելական եկեղեցու արքեպիսկոպոսները։
***
|
Առաջիկայում «Մեր ձևով» շարժումն ուխտագնացություն է կազմակերպելու դեպի Մայր Աթոռ։ Այս մասին ԱԱԾ մեկուսարանի դիմաց հայտարարեց շարժման համակարգող Նարեկ Կարապետյանը։ «Վաղը ժամը 17.30–ին հանդիպում ենք Էջմիածնում՝ Մայր Աթոռում»,- նշեց Կարապետյանը։ *** |
|
«Սամվել Կարապետյանը խոսում է այն ծրագրերից, որոնք պատկերացնում է մեր երկրի համար։ Նա այս ժամանակաընթացքում արդեն մի քանի այնպիսի ծրագրեր է մշակել, որոնք մեր երկիրը դարձնելու են ամենաերջանիկ երկրներից մեկը ու հայերի համար ամենալավ երկիրը»,- այս մասին երթի ավարտին՝ ԱԱԾ շենքի դիմաց հայտարարեց փաստաբան Արամ Վարդևանյանը։ Նա նաև նշեց, որ այսօր առավոտյան տեսակցել է Սամվել Կարապետյանին․ «Նա հայտնել է իր այն որոշման մասին, որ «Մեր ձևով» ժողովրդական շարժման առաջիկայում կուսակցություն դառնալու պահից պատրաստ է ստանձնելու կուսակցության նախագահի պաշտոնը»։ |
|
«Հայաստանում կալանքը ամենից հաճախ լսվող բառերից է, Հայաստանում կալանավորում են խոսքերի, մտքերի, նույնիսկ Մայր Աթոռը պաշտպանող նախադասության համար․ ժողովրդավարության ճգնաժամի ականատեսն ենք»,- այս մասին այսօր Ազատության հրապարակում մեկնարկած «Մեր ձևով» շարժման հանրահավաքի ժամանակ իր ելույթում ասաց փաստաբան Արամ Վարդևանյանը։ «Իրավունքի գերակայությունը, իրական արդարադատությունը վերացական հասկացություններ չեն, բոլորիս առօրյա կյանքի կենսական մասն են, և երբ ապօրինաբար կալանավորում են ակցիայի մասնակցից մինչև պատգամավորներ, քահանայից մինչև սրբազաններ, գործարարից մինչև ազգային բարերար, անպայման ունենալու ենք պառակտում, վախ անարդարություն»,- նշեց Վարդևանյանը՝ կոչ անելով փոխել միջավայրը և միասնաբար ասել՝ այո՛, ես իմ եղբոր պահապանն եմ, ես իմ սրբազանների պահապանն եմ, ես իմ ազգային բարերի պահապանն եմ, ես իմ Մայր Աթոռի պահապանն եմ։ ***
|
