Երեկ երեկոյան Հրաչյա Ղափլանյանի անվան դրամատիկական թատրոնում տեղի ունեցավ Հայաստանի վաստակավոր արտիստ Խորեն Լևոնյանի «Կինո ու մի քիչ ավելին» երաժշտական ներկայացման պրեմիերան, որը վերածվեց ոչ միայն մշակութային, այլև խորապես անձնական ու հուզիչ երեկոյի։
Դերասանը բեմից հանդիսատեսին ներկայացրեց յուրահատուկ ինքնակենսագրական ճանապարհորդություն՝ անդրադառնալով իր կյանքի կարևոր փուլերին, ընտանիքին և արժեքներին։ Սակայն երեկոյի ամենահուզիչ հատվածներից մեկը նրա խոսքն էր ընտանիքի մասին, հատկապես՝ նորածին դստեր։
Լևոնյանը բացահայտեց, որ իրենց ընտանիքում վերջերս մեծ ուրախություն է եղել՝ լույս աշխարհ է եկել նրանց դուստրը, ում տվել են խորհրդանշական անուն՝ Արև։ Դերասանի խոսքով՝ դուստրը դարձել է իրենց կյանքի «լույսն ու հույսը»։
«Իմ կյանքում եղել են շատ սերեր ու պատմություններ, կա ընտանիք, ունեմ զավակներ… Եվ, իհարկե, դուստրս՝ լույսը, հույսը, որի անունն Արև ենք դրել»,– նշել է նա՝ առանձնահատուկ ջերմությամբ խոսելով փոքրիկի մասին։
Նա նաև պատմել է, որ կինը՝ Էմմա Լեւոնյանը, հաճախ օրորոցայիններ է երգում իրենց փոքրիկին։ Դրանցից մեկը՝ բոլորին հայտնի «Արի, իմ սոխակ»-ն է, որը հատուկ խորհուրդ ունի դերասանի համար։
Լևոնյանը բեմից խնդրել է կնոջը կատարել այդ երգը, իսկ ինքը միացել է նրան։ Ելույթը դարձել է երեկոյի ամենազգացմունքային պահերից մեկը՝ արժանանալով հանդիսատեսի ջերմ արձագանքին։
Այսպիսով, ներկայացումը վերածվել է ոչ միայն արվեստի, այլև ընտանիքի, սիրո ու նոր կյանքի ծնունդի մասին անկեղծ խոստովանության։
Աղբյուրն՝ այստեղ
Դիտեք նաև՝
