Ազատության հրապարակում` «Մեր ձևով» ժողովրդական շարժման հանրահավաքն է՝ հաջակցություն բոլոր ապօրինի կալանավորվածների՝ գործարար Սամվել Կարապետյանի, Սուրբ Եկեղեցու Սրբազան հայրերի և բոլոր քաղբանտարկյալների:

«Ազատություն ազգային բարերար Սամվել Կարապետյանին, մեր Սուրբ Եկեղեցու սրբազան հայրերին, բոլոր քաղբանտարկյալներին: Ցույց տանք մեր միասնականությունն ու վճռականությունը՝ մեր ձևով»,– ասված էր հայտարարության մեջ։ Հանրահավաքից հետո սպասվում է երթ դեպի ԱԱԾ։

***

Արհեստական խցանումներ, անվճար բենզին...ՔՊ֊ն փորձել  է խափանել «Մեր ձևով» շարժման հանրահավաքը 

Սպուտնիկ Արմենիան գրում է՝ տեղեկություններ կան, որ ՔՊ֊ական պատգամավոր Խաչատուր Սուքիասյանի հետ ասոցացվող բենզալցակայաններում անվճար բենզին բաժանելու ակցիա է իրականացվում, ինչի հետևանքով արհեստական հերթեր են ստեղծվել, և երթևեկությունը կաթվածահար է եղել։

Ազգային ճակատ տելեգրամյան ալիքը գրում է, որ բացի երթևեկության խոչընդոտներից, իշխանությունները, ըստ տարբեր աղբյուրների, ներքին հրահանգներ են տվել պետական կառույցների, բանկերի, ՀԷՑ֊ի և այլ կառույցների աշխատակիցներին՝ աշխատանքային օրվա ավարտից հետո չմասնակցել հավաքին

Դիտեք նաև՝

«Հայաստանում կալանքը ամենից հաճախ լսվող բառերից է, Հայաստանում կալանավորում են խոսքերի, մտքերի, նույնիսկ Մայր Աթոռը պաշտպանող նախադասության համար․ ժողովրդավարության ճգնաժամի ականատեսն ենք»,- այս մասին այսօր Ազատության հրապարակում մեկնարկած «Մեր ձևով» շարժման հանրահավաքի ժամանակ իր ելույթում ասաց փաստաբան Արամ Վարդևանյանը։

«Իրավունքի գերակայությունը, իրական արդարադատությունը վերացական հասկացություններ չեն, բոլորիս առօրյա կյանքի կենսական մասն են, և երբ ապօրինաբար կալանավորում են ակցիայի մասնակցից մինչև պատգամավորներ, քահանայից մինչև սրբազաններ, գործարարից մինչև ազգային բարերար, անպայման ունենալու ենք պառակտում, վախ անարդարություն»,- նշեց Վարդևանյանը՝ կոչ անելով փոխել միջավայրը և միասնաբար ասել՝ այո՛, ես իմ եղբոր պահապանն եմ, ես իմ սրբազանների պահապանն եմ, ես իմ ազգային բարերի պահապանն եմ, ես իմ Մայր Աթոռի պահապանն եմ։

***