Չբացառենք սյուրպրիզները․․․Ի վերջո կա այս պահին ԱՄՆ-ում ձերբակալված, բայց գործող հանդիսացող Վարդան Ղուկասյանի հանգամանքը․ քաղաքագետ
Քաղաքական դաշտում այս աշնանը վերադասավորումներ կլինեն, նոր ընդդիմադիր դաշինքներ կձևավորվեն,- ԱրմենիաSputnik–ի մամուլի կենտրոնում ասաց քաղաքական վերլուծաբան Սուրեն Սուրենյանցը։
«Աշնանն արդեն կուրվագծվեն այն 4-5 հիմնական ուժերը, որոնք հայտ կներկայացնեն խորհրդարանական ընտրություններում։ Ընդդիմության ծանրակշիռ ուժերն են լինելու երկրորդ և երրորդ նախագահների թիմերը, Սամվել Կարապետյանի ձևավորած նոր ուժը»։
Արտահերթ ընտրությունների անցկացումը Սուրենյանցը գրեթե բացառում է, կարծում է, որ թե՛ իշխանությունը, թե՛ ընդդիմությունն ավելի շուտ հերթական ընտրությունների են նախապատրաստվում։
***
Նիկոլ Փաշինյանի համար Վաշինգտոնում ստորագրված թղթի բովանդակությունը չէ կարևոր, այլ թղթի փաստը` ընտրություններում հասարակությանը մանիպուլացնելու համար,- ԱրմենիաSputnik–ի մամուլի կենտրոնում ասաց քաղաքագետ Սուրեն Սուրենյանցը։
«Փաշինյանը Վաշինգտոնից փորձում էր պոկել հենց այն փաստաթուղթը, որը խաղարկելու է ներքաղաքական գործընթացներում, փորձելու է դիրքավորվել որպես խաղաղության օրակարգի կրող և հակառակը՝ փորձելու է թիրախավորել բոլոր ընդդիմախոսներին՝ նրանց ներկայացնելով որպես խաղաղության հակառակորդներ»,- ասաց Սուրենյանցը
