«Ցավոք, հայտնվել ենք դաժան իրականության մեջ: Իրականությունն այն էր, որ Արցախը համարվում էր թոկ՝ ՀՀ-ի վզին, որից պետք էր ազատվել, որպեսզի ստանալ հնարավորություն՝ պահպանելու ՀՀ անկախությունը, ինքնիշխանությունը»,- «Արցախի կանչը» հուշահամալիրի բացման ժամանակ ասաց Արցախի նախագահ Սամվել Շահրամանյանը: Նա համոզմունք հայտնեց, որ հուշակոթողը դառնալու է նոր սրբավայր ո՛չ միայն արցախցիների համար: «Մտքում պետք է պահենք հավաքական վերադարձի հույսն ու հավատը: Համոզված եմ՝ մի օր դա իրականություն կդառնա»,- եզրափակեց Արցախի նախագահը:
***
|
Լրագրողների հետ զրույցում անդրադառնալով ԵԱՀԿ Մինսկի խմբի լուծարմանը՝ Արցախի նախագահն ասել է, որ դեմ են եղել դրան. «ՄԽ-ի գոյության պայմաններում ևս հնարավոր է եղել արցախցիներին բռնի տեղահանել իրենց հայրենիքից ու հուսով ենք՝ կստեղծվեն այլ մեխանիզմներ»: Արձագանքելով Նիկոլ Փաշինյանի գրառման վերաբերյալ հարցին՝ նշել է. «Չեմ կարող մեկնաբանել Փաշինյանին, բայց մի հարցի կուզեի անդրադառնալ: Արցախի հարցը փակելը, ՄԽ-ի լուծարումը. Արցախն Ադրբեջանի տարածքային ամբողջականության մաս ճանաչելն իրականացվում է ՀՀ քաղաքացու կողմից տրված մանդատի շրջանակներում: Ինքն ասում է՝ եթե դեմ եք այն ամենին, ինչ անում եմ, հեռացրեք ու շարունակեք առանց ինձ: ՀՀ ցանկացած քաղաքացի կրում է իր բաժին պատասխանատվությունը ու հուսով եմ՝ առաջիկա հնարավորության դեպքում, նկատի ունեմ՝ ընտրությունները, ՀՀ քաղաքացին իր խոսքը կասի ու ըստ դրա՝ մենք, որպես արցախցիներ, ևս կկողմնորոշվենք այս հարցերում»: *** |
|
«Դա իրականության հետ աղերս չունի: Փաստաբան Ռոման Երիցյանն անդրադարձել է այս հարցին, կգնանք իրավական ճանապարհով»,- լրագրողների հետ զրույցում ասաց Արցախի նախագահ Սամվել Շահրամանյանը՝ անդրադառնալով Արցախը լուծարելու վերաբերյալ հրամանագրին ու պատմության դասագրքի հայտնի հրապարակմանը: «Այդ փաստաթուղթը միակ հնարավորությունն է եղել, որպեսզի ապահովեինք արցախցիների անվտանգ դուրս բերումը շրջափակումից: Այդ փաստաթուղթն իրավական ուժ չի ստացել ու տեղափոխվելուց հետո այն անվավեր ենք ճանաչել»,- ասել է Շահրամանյանը:
|
|
Լրագրողների հետ զրույցում անդրադառնալով Եվլախի (2023թ. սեպտեմբեր) բանակցությունների հետ կապված շահարկումներին՝ Արցախի նախագահ Սամվել Շահրամանյանն ասաց. «Ես Եվլախում երբևիցե չեմ եղել, որևիցե բանակցություններ չեմ վարել: Եվլախ գնացողները որևիցե փաստաթուղթ չեն ստորագրել, իրականացվել է միայն հումանիտար բնույթի հարցերի քննարկում»: *** |
|
«Նիկոլ Փաշինյանից ի՞նչ պահանջ ունեք»,- դիմելով Արցախի նախագահին՝ հարցրեց լրագրողը: Սամվել Շահրամանյանն ասաց, որ չի հանդիպել նրա հետ: «Արցախցիների՝ ՀՀ տեղափոխվելուց հետո բազմաթիվ հարցեր կան, որոնք պետք է լուծվեն»,- նշեց նախագահը: Հարցին՝ արցախցիները կո՞ղմ են, որ Փաշինյանը շարունակի ղեկավարել ՀՀ-ն, ասաց. «Հարցին պետք է պատասխանեն այս իշխանությունը ձևավորած անձինք»: |
***
|
Արցախի նախագահ Սամվել Շահրամանյանը չցանկացավ պատասխանել լրագրողի հարցին՝ դե՞մ է ՀՀ կառավարությանը, թե՞ կողմ. «Չեմ ուզում այդ հարցին պատասխանել»,- ասաց նա: Արդեն հայտնել էինք, որ «Եռաբլուր»-ում «Արցախի կանչը» հուշահամալիրի բացման արարողությունից հետո Արցախի նախագահը պատասխանել է լրագրողների հարցերին: |
