ԱԺԲ անդամ Սամվել Ասլիկյանի ֆեյսբուքյան գրառումը․ «Թրամփը պատին է դեմ տալու և՛ ալիևին, և՛ մեր էշին։
Մենք Զելենսկի չունենք, որ կարողանա ասի «ոչ» և այլ առաջարկներով առաջ բերի հայկական շահը։ Օրինակ՝ ասի, որ միջանցքը պետք է մնա ՀՀ ինքնիշխանության տակ, իսկ դուք կարող եք փոքրիկ ռազմաբազա բերել ու տեղադրել Սյունիքում։ Իսկ խաղաղության պայմանագրին` այո, բայց ո՛չ այս տեսքով:
Բայց մեր էշը կզելու է։
Սակայն կա մեկ լավ սցենար. ալիևը կարող է մերժել, քանի որ իրենց պետք է ավելին, քան այն պայմաններով խաղաղության պայմանագիրը, որ առաջարկվում է։ Այդ դեպքում ալիևի գործերը կարող են վատ գնալ։
Բայց հնարավոր է լինի այլ տարբերակ։
Ռուսները և թուրքերը կարող են մեր էշին դրդել, որ մերժի բոլոր առաջարկները։ Այդ դեպքում նրանք թքելու են Հայաստանի վրա, և մենք դառնալու ենք ռուսի ու թուրքի կեր։ Կամ էլ Արևմուտքը նրան կփոխի, ու գուցե շանս լինի՝ նորմալ իշխանություն բերելու։
Ապրենք՝ տեսնենք։ Բայց մի բան պարզ է. Հայաստանը օբյեկտի կարգավիճակում է, ում ով ինչպես ուզի՝ օգտագործելու է։
Օբյեկտին չեն հարգում։ Օբյեկտից պոկում են իրենց շահը։ Օբյեկտի հետ «քնում» են, բայց չեն ամուսնանում»։

***

«Հենակետ» ՀԿ-ի փորձագետ Շիրազ Խաչատրյանի ֆեյսբուքյան գրառումը․ «ԱՄՆ-ի հովանու ներքո Սյունիքով նախատեսվող միջանցքը փաստացի դուրս է բերվելու Հայաստանի իրավազորությունից՝ փոխանցվելով մի երկարաժամկետ կառավարման մեխանիզմի, որը կարող է գործել առանց հայկական վերահսկողության:
Ըստ նախնական արտահոսքերի՝ ադրբեջանական կողմը ոչ միայն չի ենթարկվելու որևէ հայկական իրավական մեխանիզմի, այլև չի հանդիպելու մաքսավորի և ազատված է լինելու պատասխանատվության ցանկացած գործիքակազմից, ինչն էլ դարձնում է այս ամբողջ գործընթացը ոչ թե փոխադարձության, այլ միակողմանի ծանր զիջման հերթական օրինակ՝ կապիտուլացիա 2, որը ներքին սպառման համար հաստատ փաթեթավորվելու է խաղաղության հաստատման մասին աղմկոտ քարոզչությամբ ու ներկայացվելու է որպես պատմական նվաճում, որի դիմաց գործող իշխանությունը ակնկալում է ոչ միայն արտաքին լեգիտիմություն և ներքաղաքական «անդորր»՝ պատրաստվելով 2026-ի ընտրություններին, այլև նաև ստանալու է լուռ համաձայնություն՝ ներքին ճնշումների, քաղաքական հետապնդումների և նոր ռեպրեսիաների իրականացման հարցում...
Պատմության վատ շրջապտույտը կրկնվում է. եթե 2022-ի Պրահայի գործընթացով զոհաբերվեց Արցախը, ապա այժմ նույն տրամաբանությամբ Վաշինգտոնյան նոր գործարքի հիմքով մատաղ է արվելու նաև Սյունիքը՝ զուտ քպ-ական իշխանության վերարտադրության և մարդամեկի նեղանձնական շահերի սպասարկման համար...»։

Քաղաքագետ Արա Պողոսյանի ֆեյսբուքյան գրառումը՝․ «Ու մի բան էլ` Ռուսաստանը ոչ մի դեպքում նեղանալու բան չունի։ Հարավային Կովկասից Ռուսաստանի վտարումը հենց ինքը` Ռուսաստանն է նախապատրաստել։ Ռուսական կացնային քաղաքականությունը վաղ թե ուշ հանգեցնելու էր սրան։
Բա էն սրտաճմլիկ ռուսամոլները, որ մեզ ասում էին. «Էդ Ռուսաստանը չգիտի ինչ անի, դո՞ւք պիտի ասեք»...
Դեռ պարզ չի, թե Հայաստանի ապագան ինչպիսին կլինի, բայց միանշանակ է, որ Հարավային Կովկասում Ռուսաստանի ապագան էլ առաջվանը չի լինելու։
Ու դրա համար կա միայն մեկ մեղավոր, հենց ինքը` Ռուսաստանը»։

***

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Ինքնիշխանությունից ամեն օր խոսացողին՝ ուղիղ մի հարց․ ինչո՞ւ Հայաստանի համար կենսական թեմաների ու օրակարգային հարցերի մասին մենք իմանում ենք ադրբեջանական աղբյուրներից։
Վաշինգտոնյան հանդիպման մասին՝ առաջինը գրում են Բաքվում։ Նույն այդ հանդիպման փաստաթղթի կետերը՝ դարձյալ ադրբեջանական տելեգրամներից են մեզ հայտնի դառնում։ Մեզ մոտ՝ ամորֆ լռություն է ու ստանդարտ՝ «քննարկման փուլում փաստաթուղթ չկա» տափակաբանական բացատրություն։
Սա նրանից է, որ քայլ չես անում, խոսք չես ասում, ոչինչ չես հայտարարում, մինչև Բաքվում կամ Անկարայում «սլիվ» չի լինում: Դա նրանից է, որ ոչ թե ինքնակամ ու ինքնիշպան ես՝ այլ համաձայնեցնող ու կզող։
Երբ ամբողջ գործընթացը թշնամու մեդիադաշտից է կառավարվում, դու ուղղակի կատարող ես, մեկ-մեկ էլ՝ ձախողված կատարող։
Այս իշխանությունը թուրքական օրակարգից մի տառ չի շեղվում։ Բոլոր քայլերը նախ հաստատվում են այնտեղ, հետո՝ տարբեր խողովակներով իջեցվում Երևան։ Սրա անունը ոչ թե խաղաղություն է, այլ՝ մշակված ծրագիր, ոչ թե երկխոսություն, այլ՝ հանձնված պետության ներքին կառավարում։
Մի բան էլ ասեմ. երբ պետությունը ղեկավար է ունենում, իր ու իր երկրի հետ կապված թեմաների մասին ուրիշները «սլիվ» չեն գրում, իսկ հիմա մեր մասին գրում են՝ մեր փոխարեն որոշում կայացնում ու իրենց սրտի ինֆորմացիան մատուցում»: