ՀՀ Ազգային ժողովի նախագահ Ալեն Սիմոնյանը «Իմնեմնիմի» հաղորդաշարի հաղորդավար Վազգեն Սաղաթելյանին դատի է տվել և պահանջել 6500 դոլար փոխհատուցում վճարել։ Այս մասին «ԱրմենիաՍպուտնիկ»-ը տեղեկացել է Datalex դատական տեղեկատվական համակարգից։
«Սիմոնյանը նաև պահանջել է հրապարակավ ներողություն խնդրել իրեն ֆեյսբուքյան էջով վիրավորելու համար։
Ավելի վաղ հայտնել էինք, որ «Իմնեմնիմի» հաղորդաշարի համահեղինակներ Նարեկ Սամսոնյանի և Վազգեն Սաղաթելյանի դեմ քրեական վարույթ է նախաձեռնվել ՀՀ ԱԺ խոսնակ Ալեն Սիմոնյանի վիրավորանքին արձագանքելու համար։
«Վազգեն Արմենի Սաղաթելյանից հօգուտ հայցվոր Ալեն Ռոբերտի Սիմոնյանի բռնագանձել 2 000 000 ՀՀ դրամ՝ որպես հրապարակումների մեջ պարունակվող վիրավորանքի համար նախատեսված փոխհատուցում։ Բռնագանձել ընդհանուր 530 000 ՀՀ դրամ դատական ծախսերի հատուցում, որից 480 000 ՀՀ դրամ՝ փաստաբանի վարձատրության գումար, 50 000 ՀՀ դրամ՝ պետական տուրքի գումար»,– նշված է գործի պահանջում»։

***

Դիտեք նաև՝

***

«Նարեկի և Վազգենի հարցաքննությունն ավարտեցինք, սպասում ենք, որ քննչականը դատարան ներկայացնի կալանքի վերաբերյալ միջնորդությունը: Նարեկին ու Վազգենին ձերբակալել են հենց կալանքի նպատակով»,- ՔԿ-ի դիմաց լրագրողների հետ զրույցում ասել է փաստաբան Արսեն Բաբայանը:

Այս վարույթը նախաձեռնվել է Ալեն Սիմոնյանի հաղորդման հիման վրա: Նույն մեղադրանքն է՝ խուլիգանություն հաղորդակցման միջոցների օգտագործմամբ, ինչով որ արդեն արդարացվել էին:

***

«Փաշինյանի ժողովրդավարությունն այսպիսի տեսք ունի»,- Քննչական կոմիտեի մոտ լրագրողների հետ ճեպազրույցում այս մասին նշեց ԱԺ «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով Քնննչական հատուկ գործողություններով «Իմնեմնիմի» հաղորդաշարի համահեղինակներ Նարեկ Սամսոնյանի ու Վազգեն Սաղաթելյանի ձերբակալմանը և «Անտիֆեյքի» գրասենյակից տեխնիկայի առգրավմանը։

«Իրենք սովորաբար շարժվում են հետևյալ տարբերակով․ գտնում են ինչ-որ հկ, իբր քաղհասարակության ներկայացուցիչ, իրենց միջոցով են ներկայացնում հաղորդումները։ Այս անգամ նույնիսկ չեն էլ թաքցնում՝ Ալեն Սիմոնյանն է հաղորդում ներկայացրել»,- նշեց Մամիջանյանը՝ ընդգծելով, որ Սամսոնյանը և Սաղաթելյանը դիմադրություն չեն ցուցաբերել, բայց նրանց բերման են ենթարկել ձեռքերը ոլորած, գլուխները ներքև իջեցրած, ուժի կիրառմամբ։

«Վստահ եմ, որ կալանքի միջնորդություն է ներկայացվելու, երկուսն էլ կալանավորվելու են։ Փաշինյանն ու իր խմբակը չէին կարող ծանր չտանել ՀՀ երրորդ նախագահ Սերժ Սարգսյանի հարցազրույցը, այնտեղ հնչած փաստերը, հարցադրումները, և պետք է բոլոր տարբերակներով փորձեին լռեցնել տղաներին»,- հավելեց Մամիջանյանը։