Խորհրդարանում ընդդիմություն գոյություն չունի, հայտարարեց ԱԺ նախագահը, Ալեն Սիմոնյանի համար ընդդիմությունն արտախորհրդարանական ուժերն են։
Իսկ գործարար, բարերար Սամվել Կարապետյանի ձևավորած նոր քաղաքական ուժին արդյոք Սիմոնյանը լուրջ ընդդիմություն համարու՞մ է։
«Փող ենք ծախսում, հեսա փող կբաժանենք, փողոտ տեղ է, կարելի է մեր հետ միավորվել, հետո պետական պաշտոն ստանալ, էդ պոնտը ՀՀ-ում այլևս չի աշխատում։ Քաղաքական ուժ այնտեղ չկա, կա մեծահարուստ մարդ, որը բանտում հայտնվել է, և ինչպես տասնամյակներ շարունակ արվել է՝ փորձում են քաղաքական ապաստարան ստանալ խորհրդարանում»,- հայտարարեց Սիմոնյանը։
***
|
«Սկսենք ձեր խաղաղության օրակարգից»,- ԱԺ նախագահ Ալեն Սիմոնյանի ճեպազրույցի ժամանակ նշեցին լրագրողները, ինչին ի պատասխան Ալեն Սիմոնյանն ասաց․ «Մերն ա՞ այդ խաղաղության օրակարգը, հայ ժողովրդինը չէ՞»։ «Տեսեք, թե ինչ է ասում ընդդիմությունը»,- շարունակեցին լրագրողները։ «Ի՞նչ ընդդիմություն, Խորհրդարանում ընդդիմություն չկա։ Կան որոշ անհատներ, որոնք հիմա տեղ են փնտրում այլ քաղաքական ուժերում և ապագա խորհրդարանում հայտնվելու համար։ Իրենց ասածը ոչ ոք չի լսում, իրենք 7 հոգի փողոցում մարդ չեն կարողանում հավաքել, իմ նկարը դնեմ փողոցում, շատ ավելի մարդ շուրջը կհավաքվի։ Իրենք օրակարգ չունեն»,- արձագնքեց Սիմոնյանը։ ***
|
